U nomu Corsu di pesci chi noi pischemu ?

Iè o Cernia, parlemu di pesci !
Chì saranu l'altri nomi di u mazzardu (chì saria "le mulet doré"), vogliu dì i nomi di u mazzardu neru è di l'altri spezii di mazzardi ?
Comu chjameti dinò "la sériole" è "la liche amie" ind'è voi ? A ricciola è a leccia com'è in Italia o cunnisciti nomi spicifichi ?
Scusetimi par sti quistioni ma in u me rughjonu, c'hè pochi è micca piscadori , a ghjenti essendu sempri stati più muntagnoli fughjendu a pieghja chè marinari...

ùn aghju mai intesu dì chi u mazzardu, o u muzzu, senza distinzioni tra i varii spezii.
Aghju sempri intesu a ricciola dinò, è nudda d'altru

Ti ringraziu o Cernia !
Anc'eu ùn cunnoscu chè sti nomi quì, ma u "muzzu", ùn l'aviu mai intesu...

Le chasseur a écrit:Ti ringraziu o Cernia !
Anc'eu ùn cunnoscu chè sti nomi quì, ma u "muzzu", ùn l'aviu mai intesu...

Ind'è nò hè ancu più adupratu pà parlà d'una banda di pesci. Si dici suventi "i muzza" pà di "una banda di mazzarda". Mà u muzzu, tali pesciu solu (ghjà si vidi pocu) si dici pocu.

Ti ringraziu par a to spiicazioni !

Mi face piacè di vede chi si parla corsu annantu à quissu forum ! Cernia, sì duttore in ligua nostra, parli un corsu guasgi perfettu ?

Dopu, mi pudeti dì cumu si dice "murène" è "congre" per piacè ?

Vi ringraziu, eiu, ghjovu corsu, pà fà campà à nostra lingua quì !

A prestu

a murena, è u gronchiu !!

Ti ringraziu. A murena l'aviu sentita mà un eru micca sicuru... U gronchiu, mai intesu, grazia !